"pagpapakilala"

marahil ay marami sa inyo na mga kasalukuyang nagbabasa nitong blog na ito ay hindi nakakakilala sa akin...

kaya naman gusto kong magpakilala sa inyong lahat,

ako po ay si john correa, 18 taong gulang at isang estudyanteng naninirahan dito sa kamaynilaan.. ako po ay nasa ika-"third year" ko na sa kolehiyo, kumukuha ng kursong nursing(na labag man sa aking kalooban ay kailangan kong kuhanin at tapusin), hindi ako ganong katangkaran, i only stand "5'6" po. hindi man ako mahilig sa basketball tulad ng karaniwang binatang lalakeng filipino, ay nahilig naman po ako sa paglangoy o "swimming" ito na din siguro ang sport na maituturing ko. unfortunately hiwalay na po ang mga magulang ko, ang mommy ko po ay nakabase na sa paris france habang ang aking ama naman ay bumalik na dito sa pilipinas matapos ang matagal na pamamalagi sa fransya. mayroon akong dalawang kapatid, isang babae at isang lalaki. hindi talaga ako sa maynila ipinanganak at lumaki, doon ako ipinanganak ng aking mommy sa bulacan tulad ng aking mga kapatid, sa aking lola ako lumaki, kaya naman aminado ako na "lola's boy" ako at hindi ko naman itinatanggi iyon at proud pa nga ako. hindi kami ganoon kayaman kaya napilitan ang aking ina na makipagsapalaran sa paris kasama ng aking tito na kanya namang kapatid para narin naman sa aming kinabukasan, sa kasalukuyan ay magsasampung taon nang nasa paris ang aking ina at nakatakdang umuwi sa pilipinas upang magbakasyon sa kaunaunahang pagkakataon buhat nang siya ay lumisan.

tulad ng mga ordinaryong binatang filipino marami din naman akong pangarap, iyon ay ang makapagtapos ng kursong pinili mo sa unibersidad na ninais mong pagtapusan.(ngunit sa kasamaang palad mukang malabo ko itong makamtan), nais ko din sanang makapagpatayo ng sarili kong negosyo upang ito ay mapalago at upang mabigyan ko ng magandang buhay ang aking pamilya. nais ko din sanang maging isang mangaawit, aktor sa pelikula;theatro;at telebisyon, at ang maging isang "host" ng isang programa sa telebisyon. pangarap ko din ang makapunta sa syudad kung saan naruroon ang aking ina, mga pinsan, tio at tita, sa paris. pangarap ko din ang makapagaral ng wika ng banyaga...

mahilig akong kumanta, umarte o ang pagganap sa isang role na bibigyan ko ng buhay, ang pagaaral din naman ay isa kong hilig, mahilig akong magbasa, manood ng pelikula at mga programa sa telebisyon at theatro.

musika talaga ang aking unang pagibig, maliit pa lamang ako ay nahilig na ako sa pagawit at pagsayaw, isang kasiyahan para sa akin ang ipamalas sa lahat kung ano ang aking kakayahan.

marahil ay masyado na itong mahaba para lamang sa pagpapakilala sa inyo,.. kaya dito napo muna ito para sa "pagpapakilala" ko sa inyo,

john correa :D